თურქეთში, ვანის პროვინციაში, ზვავმა ათობით მაშველი იმსხვერპლა. ბი-ბი-სის ცნობით, თავდაპირველად, 4 თებერვალს, თურქეთ-ირანის ზვავის შედეგად ხუთი ადამიანი დაიღუპა.
მაშველები, რომლებიც იქ დასახმარებლად მივიდნენ, დღეს, 5 თებერვალს, თვითონაც ზვავში მოყვნენ.
BBC-ის ცნობით, დღევანდელმა სტიქიამ 33 ადამიანი იმსხვერპლა. „გარდიანის“ ცნობით, დაღუპულთა შორის 8 სამხედრო მოსამსახურე იყო, 3 — ახლომდებარე სოფლის მცველი, 3 მეხანძრე და 9 მოხალისე.
ჯამში, ოფიციალური ცნობებით, 38 ადამიანია დაღუპული. დაშავებულთა რიცხვი ამ ეტაპზე 53-ს აღწევს. სამძებრო და სამაშველო სამუშოები გრძელდება, თუმცა თოვლი და ნისლი პროცესს აფერხებს.
ზვავის რუკა. წყარო: BBC
