კადიროვის კრიტიკოსი ჩეჩენი ბლოგერი საფრანგეთში მოკლეს

ჩეჩნეთის რესპუბლიკის ხელმძღვანელის, რამზან კადიროვის მიმართ კრიტიკულად განწყობილი ბლოგერი იმრან ალიევი, აგრეთვე ცნობილი, როგორც „მანსურ სტარიი“ – „მანსურ მოხუცი“, საფრანგეთში, ქალაქ ლილში მოკლული იპოვეს.

როგორც „გარდიანი“ წერს, ალიევი სასტუმროს ნომერში, დანით მიყენებული ჭრილობის შედეგად გარდაცვლილი იპოვეს. მისი სიკვდილი დაადასტურა კადიროვის კიდევ ერთმა კრიტიკოსმა ბლოგერმა თუმსო აბდურახმანოვმა.

ევროპაში ამჟამად არაერთი ჩეჩენი ცხოვრობს – ზოგმა მათგანმა ქვეყანა 1990-იან წლებში დატოვა, ზოგმაც – მოგვიანებით, კადიროვის ხელისუფლებიდან წამოსული საფრთხის გამო.


გარეკანის ფოტოზე: იმრან ალიევი.

ფოტო: სკრინშოტი YouTube-ვიდეოდან.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com / მობ.: +995 597 14 88 31