ნეტგაზეთი | რა შემთხვევაში უნდა მიმართოთ ინფექციურს – NCDC-ს რეკომენდაციები კორონავირუსზე რა შემთხვევაში უნდა მიმართოთ ინფექციურს – NCDC-ს რეკომენდაციები კორონავირუსზე – Netgazeti
RU | GE  

რა შემთხვევაში უნდა მიმართოთ ინფექციურს – NCDC-ს რეკომენდაციები კორონავირუსზე

საქართველოში კორონავირუსის შემთხვევა ამ დრომდე არ დადასტურებულა, თუმცა ვირუსის გავრცელების თავიდან ასაცილებლად დაავადებათა კონტროლის ცენტრი მოსახლეობას აფრთხილებს, თუ რა შემთხვევაში უნდა მიმართონ ინფექციურ საავადმყოფოს.

როგორც დაავადებათა კონტროლის ცენტრის დირექტორი ამირან გამყრელიძე აღნიშნავს, სამედიცინო დაწესებულებას უნდა მიმართონ იმ პირებმა, როლებიც ბოლო 2 კვირის პერიოდში ჩამოვიდნენ ჩინეთიდან და ამ 14 დღის განმავლობაში გამოუვლინდებათ სიმპტომები, როგორიცაა:

  • მაღალი ტემპერატურა
  • ხველა
  • სუნთქვის გაძნელება
  • ქოშინი

გამყრელიძე აღნიშნავს, რომ სჯობს იმ პირებმა, რომლებსაც ჩინეთიდან ჩამოსვლიდან 14 დღის განმავლობაში მსგავსი სიმპტომები გამოუვლინდათ, პირდაპირ ინფექციურ საავადმყოფოებს მიმართონ თბილისში, ბათუმში, ქუთაისსა და ზუგდიდში:

მოუსმინეთ ამირან გამყრელიძის მიმართვას სრულად:

 

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.