ნეტგაზეთი | პროკურატურა ხაბეიშვილს „ზარქუაზე ძალადობის ფაქტზე“ იბარებს პროკურატურა ხაბეიშვილს „ზარქუაზე ძალადობის ფაქტზე“ იბარებს – Netgazeti
RU | GE  

პროკურატურა ხაბეიშვილს „ზარქუაზე ძალადობის ფაქტზე“ იბარებს

იმის პარალელურად, რომ პროკურატურამ ლევან ხაბეიშვილის ცემის გამო ბრალი წაუყენა საკრებულოს სამ წევრს „ქართული ოცნებიდან“, ხაბეიშვილი პროკურატურაში დაიბარეს „საკრებულოს თავმჯდომარის მოადგილის, ირაკლი ზარქუას მიმართ განხორციელებული ძალადობის ფაქტზე საპროცესო მოქმედების ჩატარების მიზნით“.

პროკურატურის განცხადება ცოტა ხნის წინ გავრცლედა. იქ ნათქვამია, რომ ხაბეიშვილზე თავდასხმისთვის საკრებულოს წევრებს ბრალი წაუყენეს ჯგუფური ძალადობის ბრალდებით — სსკ-ის 126-ე მუხლის პირველი პრიმა ნაწილის „ბ“ ქვეპუნქტით.

ამავე განცხადებაში პროკურატურა წერს, რომ „24 იანვარსთბილისის საკრებულოს თავმჯდომარის მოადგილის, ირაკლი ზარქუას მიმართ განხორციელებული ძალადობის ფაქტზე, საპროცესო მოქმედების ჩატარების მიზნით, თბილისის საკრებულოს წევრი ლევან ხაბეიშვილი დაბარებულია საგამოძიებო ორგანოში“.

ხაბეიშვილს 24 იანვარს სცემეს თბილისის საკრებულოში. შსს-მ გამოძიება სისხლის სამართლის კოდექსის 126-ე მუხლით დაიწყო.

ხაბეიშვილის ცემისთვის საკრებულოს სამ წევრს ბრალი წარედგინა

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com