პრესსამსახურის ინფორმაციით, ალეკო შალამბერიძემ ჯანმრთელობის გაუარესების გამო ოპერაცია 30 ივნისს გაიკეთა, რის შემდეგაც მისი მდგომარეობა დამძიმდა და დღეს გარდაიცვალა. 

ალეკო შალამბერიძე დაიბადა 1958 წელს; დაამთავრა თბილისის 57-ე სკოლა, 1979 წელს დაამთავრა სასოფლო სამეურნეო ინსტიტუტი. 1991-1992 წლებში გაიარა სასოფლო-სამეურნეო ინსტიტუტის ასპირანტურა.

1990 წლიდან იყო „ქართველ ტრადიციონალისტთა კავშირის“ აღმასრულებელი მდივანი 2004 წლამდე. 1980-1990 წლებში მეცნიერ-თანამშრომელი; 1991-1992 წლებში ვაკის რაიონისა და თბილისის საკრებულოს წევრი;

1991 წლიდან — პრეზიდენტის რეგიონალური სამსახურის იმერეთის ბიუროს ხელმძღვანელი; 1996-1999 წლებში — თბილისის მერიის განყოფილების გამგე; 1997-1998 წლებში — ცენტრალური საარჩევნო კომისიის წევრი;

1999-2008 წლებში — საქართველოს პარლამენტის წევრი, რეგიონალური პოლიტიკისა და თვითმმართველობის კომიტეტის თავმჯდომარის მოადგილე, 2004-2009 წლებში იყო ნაციონალური მოძრაობის წევრი.

ამჟამად იყო „თავისუფალი საქართველოს“ გენერალური მდივანი.