საზეგარი ქართველმა სამართალდამცველებმა თბილისის საერთაშორისო აეროპორტში მიმდინარე წლის იანვარში დააკავეს და შესაბამისი ინფორმაცია გაავრცელეს, თუმცა შსს-ში ამ საკითხზე ბრიფინგი დღეს, 25 ივნისსა გაიმართა. ბრიფინგს შინაგან საქმეთა მინისტრის მოადგილე არჩილ თალაკვაძე უძღვებოდა. სიტყვით ამერიკის შეერთებული შტატების საელჩოს წარმომადგენლებიც გამოვიდნენ.

“შსს-ს საქართველოში ინტერპოლის ეროვნული ცენტრალური ბიუროს თანამშრომლებმა თბილისში დააკავეს ამერიკის შეერთებული შტატების მიერ 2011 წლის 13 სექტემბრიდან წითელი ცირკულარით საერთაშორისო დონეზე ძებნილი, ამერიკის შეერთებული შტატებისა და ირანის ისლამური რესპუბლიკის მოქალაქე, 1979 წელს დაბადებული ალირეზა ალ საზეგარი.

ალირეზა ალ საზეგარს ბრალად ედება ამერიკის შეერთებული შტატების კალიფორნიის შტატის სისხლის სამართლის კოდექსის 273.5(ა) მუხლით გათვალისწინებული დანაშაულის ჩადენა, რაც გულისხმობს ოჯახის წევრის ცემას, რამაც გამოიწვია სხეულის დაზიანება, გატაცებას, დამამძიმებელ გარემოებებში თავდასხმას, თავისუფლების უკანონო აღკვეთას იძულებით და/ან მოტყუებით, მოწმისათვის დანაშაულის გამჟღავნების ხელის აღებას”, – ნათქვამია განცხადებაში, რომელიც შსს-მ იანვარში გაავრცელა.