“ისუზუს” მარკის 8-მეტრიანი ავტობუსები ხვალიდან, 23 იანვრიდან ეტაპობრივად 8 მარშრუტზე განაწილდება.

თბილისის მერიის ინფორმაციით, “ისუზუს” მარკის 8-მეტრიანი ავტობუსები ხვალიდან მგზავრებს დამატებით ოთხ მარშრუტზე მოემსახურება. ესენია:

• N17 – გადასასვლელი ხიდი – მუხიანის მე-4 მიკრო რაიონი;
• N27 – სადგურის მოედანი – ვაშლიჯვრის დასახლება; „ღრმაღელე“;
• N62 – სადგურის მოედანი – ზღვის უბნის დასახლება;
• N73 – მეტროსადგური „ახმეტელის თეატრი“ – გლდანულა.

27 იანვრიდან კი ახალი ავტობუსები შემდეგ 4 სამარშრუტო ხაზზე გავლენ:

• N40 – ვარკეთილის მეურნეობა – ისანი;
• N45 – მეტროსადგური „ახმეტელის თეატრი“ – სოფელი გლდანი;
• N60 – გადასასვლელი ხიდი – მეტროსადგური „ღრმაღელე“;
• N99 – მეტროსადგური „დელისი“ – ნუცუბიძის მე-4 მიკრორაიონი.

ავტობუსების ახალი 40 შემადგენლობა დედაქალაქის მერმა კახა კალაძემ საზოგადოებას 21 იანვარს წარუდგინა.
მუნიციპალური ავტოპარკის განახლების პროექტის ფარგლებში, თბილისის სატრანსპორტო კომპანიამ 2019 წელს 220 ერთეული ISUZU-სა და 90 ერთეული MAN-ის მარკის ავტობუსები შეისყიდა. დედაქალაქის მერიის ინფორმაციით, მუნიციპალური ავტოპარკის განახლება წელსაც აქტიურად გაგრძელდება და სრულად ჩანაცვლდება ბოგდანის მარკის ძველი ავტობუსები.