ნეტგაზეთი | ინტერპოლის ყოფილ ხელმძღვანელს ჩინეთში 13.5-წლიანი პატიმრობა მიუსაჯეს ინტერპოლის ყოფილ ხელმძღვანელს ჩინეთში 13.5-წლიანი პატიმრობა მიუსაჯეს – Netgazeti

ინტერპოლის ყოფილ ხელმძღვანელს ჩინეთში 13.5-წლიანი პატიმრობა მიუსაჯეს

2020 წლის 21 იანვარს ტიანცინის პირველმა შუალედურმა სახალხო სასამართლომ ინტერპოლის ყოფილ ხელმძღვანელს, მენგ ჰონგვეის 13.5-წლიანი პატიმრობა მიუსაჯა. ამის შესახებ ინფორმაციას ჩინური სახელმწიფო მედია CCTV ავრცელებს.

გამოძიების ვერსიით, ჰონგვეიმ 2005-2017 წლებში, ჩინეთის პარტიული კომიტეტის წევრობისას და საზოგადოებრივი უსაფრთხოების მინისტრის მოადგილეობისას, სამსახურეობრივი მდგომარეობა პირადი გამდიდრებისთვის გამოიყენა.

ინტერპოლის ყოფილი ხელმძღვანელი გამოძიებასთან თანამშრომლობდა. როგორც CCTV წერს, ჰუონგვეი აღიარებს დანაშაულს და განაჩენის გასაჩივრებას არ აპირებს.

ჰონგვეი ინტერპოლის პრეზიდენტი 2016 წელს გახდა. 2018 წლის სექტემბერში ის დაიკარგა, ხოლო მოგვიანებით აღმოჩნდა, რომ ჩინეთში დააკავეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com / მობ.: +995 597 14 88 31