რუსთავის საქალაქო სასამართლომ სიძის მკვლელობაში ბრალდებულს 13 წლით პატიმრობა მიუსაჯა.
გმაოძიების ვერსიით, რომელიც მოსამართლემ გაიზიარა, 2019 წლის 23 ივნისს ა.ი-ს სიძემ, ბ.ნ-მ, რომელიც ნასვამ მდგომარეობაში იმყოფებოდა, მეუღლეს მ.ი-ს სიტყვიერი და ფიზიკური შეურაცხყოფა მიაყენა.
პროკურატურის განცხადებით, შვილის შეურაცხყოფით განაწყენებულმა ა.ი-მ, შურისძიების მიზნით, ბ.ნ-ს დანით მუცლის არეში ჭრილობა მიაყენა, რის შედეგადაც ბ.ნ. გარდაიცვალა.
უწყებაში ამბობენ, რომ სამართალდამცველებმა ა.ი. 2019 წლის 24 ივნისს ქ. რუსთავში დააკავეს. მას ბრალდება საქართველოს სისხლის სამართლის კოდექსის 11′.109-ე მუხლის მერე ნაწილის ,,ვ’’ ქვეპუნქტით (განზრახ მკვლელობა, ჩადენილი ოჯახის წევრის მიმართ) წარედგინა.
