მანამდე biletebi.ge-მ განაცხადა, “საიტზე მიმდინარეობს შეტევა. ვმუშაობთ გასანეიტრალებლად. ბილეთები ამჟამად არ იყიდება”.
ამაჟამად საიტზე ეს განცხადებაა გამოქვეყნებული: “სისტემა გადატვირთულია. ცადეთ მოგვიანებით”.
კითხვაზე, არის თუ არა საიტის გათიშვის მიზეზი ჰაკერული შეტევა თუ გადატვირთვა მომხმარებლების მაღალი მიმართვიანობის გამო? – საქართველოს ფეხბურთი ფედერაციის პრეზიდენტმა ზვიად სიჭინავამ უპასუხა: ორივე – ჰაკერული შეტევაც და სერვერის გადატვირთვაც.
ევროპული ფეხბურთის მმართველმა ორგანომ (UEFA) რამდენიმე დღის წინ განაცხადა, რომ ბილეთების გაყიდვა 22 ივნისს, დილის 9 საათიდან დაიწყებოდა ონლაინ.
უეფას სუპერთასის მატჩი “ბარსელონასა” და “სევილიას” შორის “დინამო არენაზე” 11 აგვისტოს გაიმართება. უეფას ჩემპიონთა ლიგის და ევროპის ლიგის გამარჯვებულ გუნდებს შორის შეხვედრა თბილისის დროით 22:45 საათზე დაიწყება.
