შინაგან საქმეთა სამინისტროს ინფორმაციით, ერთი პირი ადმინისტრაციული წესით დააკავეს “ქართული ოცნების” დეპუტატ ანრი ოხანაშვილთან დაპირისპირების შემდეგ.
შსს-ს ინფორმაციით, დაკავებულს საქართველოს ადმინისტრაციული კოდექსის 173-ე მუხლის დარღვევას ედავებიან, რაც პოლიციელის მოთხოვნისადმი დაუმორჩილებლობას გულისხმობს.
შსს-ს ცნობით, გამოძიება ასევე დაწყებულია სისხლის სამართლის კოდექსის 151-ე მუხლით, რაც მუქარას გულისხმობს. უწყების ინფორმაციით, დაკავებულმა დეპუტატს სიტყვიერი შეურაცხყოფა მიაყენა და დაემუქრა, თუმცა ფიზიკურად არ დაპირისპირებია.
ტელეკომპანია “რუსთავი 2-ის” ინფორმაციით, ანრი ოხანაშვილს მოქალაქე ბაკურიანში, ერთ-ერთ რესტორანში ვახშმობისას დაუპირისპირდა.
