“საშინელებაა!!! 

მოატყუო შენი მოქალაქეები, გაწირო ადამიანები იმის გამო, რომ ცხოველი არ მოეკლათ- ეს ავადმყოფობაა უკვე!!!
ცხოველების სიყვარულმა ცხოველად არ უნდა გაგციოთ!!” – წერს თამაზაშვილი.

შეგახსენებთ, რომ დღეს, 17 ივნისს ლაგუნა ვერეს მიმდებარე ტერიტორიაზე ვეფხვმა ერთი ადამიანი მოკლა. მანამდე ირაკლი ღარიბაშვილმა განაცხადა, რომ მტაცებელი ცხოველები მოსახლეობისათვის საფრთხეს აღარ წარმოადგენდნენ. იგივე თქვა სახელმწიფო უსაფრთხოების საბჭოს მდივანმა მინდია ჯანელიძემ. 

ზოოპარკის პრესსამსახურის წარმომადგენელმა მზია შარაშიძემ გუშინ, 16 ივნისს ნეტგაზეთს უთხრა, რომ ისინი ერთ ვეფხვს, აფთარსა და დათვს ვერ პოულობდნენ, თუმცა იმავე დღეს ლიბერალმა გაავრცელა ზოოპარკის დირექტორის, ზურაბ გურიელიძის ინტერვიუ, რომელიც 15 ივნისს ჩაწერს, სადაც იგი ამბობს: “ახლა შემიძლია გითხრათ, რომ არც ერთი სახიფათო მტაცებელი ზოოპარკის ტერიტორიიდან ცოცხალი არ გასულა.”

აღნიშნულ ფაქტებზე გამოძიებას პროკურატურა აწარმოებს და დაკითხვაზე ზოოპარკის დირექტორი ზურაბ გურიელიძე დაიბარეს.