ნაპოვნი ნიაგნი ამ დროისთვის დროებით ვოლიერში ჰყავთ გადაყვანილი. 

დღეს, 15 ივნისსს, თბილისის ზოოპარკის ტერიტორიის გაწმენდით სამუშაოებში ეროვნული გვარდიის რამდენიმე ასეული მოსამსახურეც ჩაერთო.

13 ივნისის სტიქიის შედეგად, თბილისში სულ მცირე 12 ადამიანი დაიღუპა და ამჟამად, 22 ადამიანი უძებნება. დაიტბორა თბილისის ზოოპარკიც, მისი ბინადრების ნაწილი დაიხრჩო, ნაწილი კი თბილისის ქუჩებში გაიქცა. გაქცეულთა ნაწილი ცეცხლსასროლი იარაღით მოკლეს ნაწილი კი დააძინეს.

მთავრობის ცნობით, ზარალი მიახლოებით 40 მილიონი ლარია.