“მთელი ღამის განმავლობაში და ახლაც ჯანდაცვის სამინისტრო საგანგებო რეჟიმში მუშაობდა, მობილიზებულია ყველა კლინიკა და მთელი ღამის განმავლობაში ხდებოდა დაშავებულების მიღება. ყველაზე დიდი ნაკადი იყო რესპუბლიკურ საავადმყოფოში. მთლიანად, ჩვენი ინფორმაცით, 36-მა დაშავებულმა მიმართა კლინიკებს. მათი აბსოლუტური უმრავლესობა გაწერილია შესაბამისი დახმარების აღმოჩენის შემდეგ და მხოლოდ რადენიმე ადამიანი რჩება სამედიცინო დაწესებულებაში” – განაცხადა მინისტრის მოადგილემ.

ზაზა სოფრომაძის განცხადებით, პაციენტებს ძირითადად დაჟეჟილობები აღენიშნებოდთ, იშვიათად იყო მოტეხილობა და მათ მდგომარეობა არ არის მძიმე.  ერთადერთ პაციენტს, რომელიც “ნეოჰოსპიტალში” არის მოთავსებული , აქვს მრავლობითი ტრავმული დაზიანებები და მისი მდგომარეობა შედარებით მძიმე, მაგრამ სტაბილურია.

ზაზა სოფრომაძის განცხადებით, სასწრაფოსთვის მიმართვიანობამ 14 საათისთვის იკლო.