ბელარუსის პრეზიდენტმა ალექსანდრე ლუკაშენკომ ხუმრობით შესთავაზა რუსეთს, ბელარუსის შემადგენლობაში შესულიყო. ამის შესახებ ლუკაშენკომ „ეხო მოსკვის“ მთავარ რედაქტორთან, ალექსეი ვენედიქტოვთან საუბრისას განაცხადა.
მოკავშირე სახელმწიფოს ფორმატზე საუბრისას ლუკაშენკომ განაცხადა: „გსურთ საერთო პრეზიდენტი – არჩევნები. ხოლო ყველაზე მარტივი ვარიანტი, რომელიც მიღებული იქნება რუსეთშიც და ბელარუსშიც – თქვენი ბელარუსის შემადგენლობაში შემოსვლაა“. ლუკაშენკოს აზრით, უსამართლობაა საუბარი მიდიოდეს მხოლოდ ბელარუსის რუსეთში შესვლაზე.
„რა, განა რუსები წინააღმდეგი იქნებიან? არა. არც ბელარუსები. მისმინეთ: „რუსეთი შედის ბელარუსის შემადგენლობაში“. რატომ გვიწვევთ რუსეთის შემადგენლობაში [შემოსასვლელად], თუმცა თავად ასეთ ვარიანტს არ განიხილავთ?“ – აღნიშნა ბელარუსის პრეზიდენტმა.
ამჟამად რუსეთსა და ბელარუსს შორის მიმდინარეობს მოლაპარაკებები ორი სახელმწიფოს ინტეგრაციის დონის ამაღლებასთან დაკავშირებით.
