ევროპული ფეხბურთის მმართველი ორგანოს განცხადებით, ბილეთების გაყდვა 22 ივნისს, დილის 9 საათიდან დაიწყება ონლაინ.

მატჩზე დასასწრები ყველა ბილეთი საჯარო გაყიდვაში გავა საიტ biletebi.ge-ს მეშვეობით.

საიტზე რეგისტრირებულ თითოეულ მომხმარებელს შეეძლება მხოლოდ 4 ბილეთის შეძენა, ხოლო მისი ფასები იქნება 15, 30 და 70 ლარი.

GFF გულშემატკივრებს ურჩევს, რომ ბილეთები მხოლოდ მათ მიერ მითითებული საიტიდან შეიძინონ. ფედერაციის ცნობით, შექმნილია ”ფეიკ” საიტები, რომლებიც სუპერთასის ბილეთებს კატასტროფულად დიდ ფასად ყიდის და ურჩევენ მათ, რომ არ წამოეგონ აფიორას.

უეფას სუპერთასის მატჩი “ბარსელონასა” და “სევილიას” შორის “დინამო არენაზე” 11 აგვისტოს გაიმართება. უეფას ჩემპიონთა ლიგის და ევროპის ლიგის გამარჯვებულ გუნდებს შორის შეხვედრა თბილისის დროით 22:45 საათზე დაიწყება.