დიდი ბრიტანეთის გაერთიანებული სამეფოს დედოფლის, ელისაბედ მეორის განცხადებით, UK-მა ევროკავშირი 2020 წლის 31 იანვრისთვის უნდა დატოვოს. ინფორმაციას ამის შესახებ BBC ავრცელებს:
“ჩემი ქვეყნის პრიორიტეტია, 2020 წლის 31 იანვრისთვის დიდმა ბრიტანეთმა ევროკავშირი დატოვოს”, – განაცხადა დედოფალმა. მისი განცხადებით, ამის უზრუნველყოფაზე დიდი ბრიტანეთის მთავრობა იზრუნებს.
“მინისტრები შემოიტანენ კანონმდებლობას, რომ უზრუნველყონ გაერთიანებული სამეფოს [ევროკავშირიდან] გასვლა ამ თარიღისთვის [31.01.2020]… ამის შემდეგ კი მთავრობა იზრუნებს სამომავლოდ თავისუფალ ვაჭრობაზე დაფუძნებულ ურთიერთობებზე ევროკავშირთან, რომელიც მომგებიანი იქნება სრულიად დიდი ბრიტანეთისთვის”, – განაცხადა ელისაბედ მეორემ.
მისი განმარტებით, მთავრობა დაიწყებს მოლაპარაკებებს სხვა წამყვან გლობალური ეკონომიკის მქონე ქვეყნებთანაც.
