წვევამდელთა ფიცი ჩაიბარა საქართველოს პრეზიდენტმა გიორგი მარგველაშვილმა, რომელმაც ამის შემდეგ სიტყვით მიმართა შეკრებილ საზოგადოებას. სიტყვით გამოვიდა, ასევე, საქართველოს პრემიერ-მინისტრი ირაკლი ღარიბაშვილი.

ფიცის დადებამდე წუთიერი დუმილით პატივი მიაგეს საქართველოს ტერიტორიული მთლიანობისთვის ბრძოლასა და სამხედრო მისიებში დაღუპულ ჯარისკაცებს.

პრეზიდენტისა და პრემიერის შემდეგ სიტყვით გამოვიდა საქართველოს თავდაცვის მინისტრი თინა ხიდაშელი, რომელიც ავღანეთიდან ჩაერთო. ხიდაშელი საქართველოს დამოუკიდებლობის დღეს ავღანეთში მყოფ ქართველ ჯარისკაცებთან ერთად აღნიშნავს.

დღესვე საქართველოს შეიარაღებული ძალების მიერ მოეწყო ავიაშოუ.