ნეტგაზეთი | ბურჯანაძე მოსკოვში ლავროვის მოადგილეს შეხვდა ბურჯანაძე მოსკოვში ლავროვის მოადგილეს შეხვდა – Netgazeti

ბურჯანაძე მოსკოვში ლავროვის მოადგილეს შეხვდა

რუსეთის საგარეო საქმეთა სამინისტრო ავრცელებს ცნობას, რომლის თანახმადაც დღეს, 5 დეკემბერს ნინო ბურჯანაძე შეხვდა საგარეო საქმეთა მინისტრის, სერგეი ლავროვის მოადგილე ანდრეი რუდენკოს.

უწყების თანახმად, შეხვედრაზე განიხილეს ორ ქვეყანას შორის ურთიერთობების მდგომარეობა და პერსპექტივები; ამ ცნობის თანახმადვე, რუსეთმა დაადასტურა, რომ აქვს „საქართველოსთან ურთიერთობის ნორმალიზების ინტერესი“. ამ კონტექსტში დასახელდა ორ ქვეყანას შორის ავიარეისების აღდგენა.

განცხადებაში ასევე წერია, რომ საქართველოში მიმდინარე მოვლენების განხილვისას ითქვა, რომ ამ მოვლენებს „მოსკოვში ქვეყნის შიდა საქმეებად თვლიან“, რომ „რუსეთი პრინციპულად იკავებს თავს სხვა ქვეყნების შიდა საქმეებში ჩარევისგან“ და რომ რუსეთი „დაინტერესებულია მშვიდობითა და სტაბილურობით საქართველოსა და სამხრეთ კავკასიაში“.

„დემოკრატიული მოძრაობის“ ლიდერი ნინო ბურჯანაძე მოსკოვში 3 დეკემბერს გაემგზავრა. ის მოსკოვში ვიზიტისთვის და შეხვედრებისთვის პერიოდულად მიემგზავრება ხოლმე.

ბოლო პერიოდში ნინო ბურჯანაძე გაერთიანებულ ოპოზიციასთან ერთად ქვეყანაში პროპორციული არჩევნების დანიშვნას ითხოვს და საპროტესტო პროცესებშიც მონაწილეობს.

ნახეთ ამ თემაზე:

რას ამბობენ ოპოზიციაში ბურჯანაძის მოსკოვში ვიზიტზე

მოძრაობა “ქვეყნის სამსახურში” ბურჯანაძის მოსკოვში ვიზიტზე

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com