მედვედევი ირწმუნება, რომ კითხვა 2 წლის ასაკში ისწავლა

რუსეთის პრემიერ-მინისტრი დიმიტრი მედვედევი ირწმუნება, რომ კითხვა ორი წლის ასაკში ისწავლა. ამის შესახებ მან ჟურნალისტებთან ყოველწლიური პრესკონფერენციის დროს განაცხადა.

„კითხვა ადრე ვისწავლე – ორი წლის ვიყავი, მაგრამ მხოლოდ მაშინ ვკითხულობდი წიგნებს, როცა მშობლები მაძალებდნენ“, – განაცხადა მედვედევმა.

გარდა ამისა, მედვედევის თქმით, პირველი წიგნი, რომელმაც ის გაიტაცა, ჟიულ ვერნის „კაპიტან გრანტის შვილები“ იყო, ხოლო ახლა ელექტრონული წიგნების კითხვაზეა გადასული.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული არის ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com