ყვარლის მუნიციპალიტეტის სოფელ გრემში საცხოვრებელ სახლში გაჩენილი ხანძრის შედეგად 12 წლის მოზარდი დაიღუპა. ოჯახის დანარჩენი სამი წევრი კი თელავის რეფერალურ საავადმყოფოშია გადაყვანილი.

საგანგებო სიტუაციების მართვის სამსახურის ინფორმაციით, ამ ეტაპზე უცნობია, კონკრეტულად რამ გამოიწვია ხანძარი. გამოძიება სსკ-ის 188-ე მუხლით დაიწყო, რაც სხვისი ნივთის დაზიანებას ან განადგურებას და გაუფრთხილებლობით ადამიანის სიცოცხლის მოსპობას გულისხმობს.