ნეტგაზეთი | შსს: დაკავებულია ნარკორეალიზატორი, რომელსაც ჩხრეკისას ჰეროინი და 85 ათასი დოლარი ჰქონდა შსს: დაკავებულია ნარკორეალიზატორი, რომელსაც ჩხრეკისას ჰეროინი და 85 ათასი დოლარი ჰქონდა – Netgazeti

შსს: დაკავებულია ნარკორეალიზატორი, რომელსაც ჩხრეკისას ჰეროინი და 85 ათასი დოლარი ჰქონდა

შსს-ს ცნობით, დააკავეს ერთი პირი, 42 წლის შოთა მ, რომელსაც ბრალად ედება განსაკუთრებით დიდი ოდენობით ნარკოტიკული საშუალების უკანონო შეძენა-შენახვა-გადაზიდვა და რეალიზაცია.

პოლიციის ინფორმაციით, სამართალდამცველებმა ბრალდებულის პირადი ჩხრეკისას ნივთმტკიცებად ამოიღეს სპორტული ჩანთა, რომელშიც ნარკოტიკის რეალიზაციის შედეგად მიღებული 85 000 აშშ დოლარი იყო.

 

“ასევე, ამოღებულია ბრალდებულის მიერ რეალიზებული 681,29 გრ ნარკოტიკული საშუალება, რომელიც ქიმიური ექსპერტიზის დასკვნის თანახმად, 441,636 გრ ჰეროინს შეიცავს. დაკავებული აღიარებს ჩადენილ დანაშაულს”, – აცხადებენ შსს-ში.

 

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვა-გადაზიდვის და რეალიზაციის ფაქტზე მიმდინარეობს (საქართველოს სსკ-ს 260-ე მუხლის მე-3 ნაწილის „ა“ ქვეპუნქტით).

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი