სოხუმში მოკლულ სამ პირს შორის ერთი „კანონიერი ქურდია“

22 ნოემბერს ცენტრალურ სოხუმში სამი ადამიანი მოკლეს, მათ შორის „კანონიერი ქურდი“ ასტამბურ შამბა, — იუწყება „ეხო კავკაზა“.

გამოცემის ცნობით, აფხაზეთის დე ფაქტო შინაგან საქმეთა სამინისტრო აცხადებს, რომ დღის 14:40 საათისთვის ავტომობილიდან სამმა ნიღბიანმა პირმა ცეცხლი გახსნა ერთ-ერთ კაფესთან, „სან რემოსთან“. ისინი ერთ-ერთ მაგიდასთან მსხდარ ადამიანებს ესროდნენ.

Интерфакса-ის ცნობით, დაღუპულები, შამბას გარდა, არიან შამბას თანმხლები პირი ალხას ავიძბა და „სან რემოს“ თანამშრომელი დომინიკა აკირტავა.

დე ფაქტო სამინისტროს თანახმადვე, თავდასხმიდან ერთ საათში თავდამსხმელთა ცეცხლწაკიდებული მანქანა სოხუმის სარკინიგზო დეპოსთან იპოვეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com