ღარიბაშვილი: გურჯაანის მოსახლეობამ “ნაციონალურ მოძრაობას” ადეკვატურად უპასუხა

საქართველოს პრემიერ-მინისტრმა ეს შეფასება, დღეს, “თბილისი მარიოტში” გამართული შეხვედრის შემდეგ გააკეთა: 

“ეს არის ყოვლად დაუშვებელი, აღმაშფოთებელი ფაქტი, რომ ოპოზიციის წევრები ბედავენ და მიდიან გურჯაანის რაიონის გამგეობაში და ყოვლად დაუშვებელია ის, რაც მათ გააკეთეს. მოახდინეს პირდაპირ ჩარევა გამგეობის მუშაობაში. მოახდინეს პარალიზება … ჰქონდათ მცდელობა და მერე თქვენ ნახეთ, როგორ უპასუხა, მე ვიტყოდი, აბსოლიტურად სამართლიანად და ადეკვატურად გურჯაანის მოასახლეობამ და ხალხმა. ჩემთვის არის მიუღებელი, თუ როგორ განვითარდა მოვლენები. ეს არის კვერცხების სროლა და ასე შემდეგ. ძალიან გთხოვთ, რომ ყველამ ერთად ძალიან კარგად დაიმახსოვროთ, რომ ქართველი ხალხი არასოდეს არ დაუშვებს “ნაციონალური მოძრაობის, ამ დესტრუქციული ძალის რაიმე პროვოკაციულ ქმედებას. და სამწუხაროა, რომ ხალხმა უპასუხა ისე, როგორც ამას ნაციონალური მოძრაობა იმსახურებს. ”