ნეტგაზეთი | “აიკრძალოს აზარტული თამაშების რეკლამა” -კანცელარიასთან აქცია გაიმართა “აიკრძალოს აზარტული თამაშების რეკლამა” -კანცელარიასთან აქცია გაიმართა – Netgazeti
RU | GE  

“აიკრძალოს აზარტული თამაშების რეკლამა” -კანცელარიასთან აქცია გაიმართა

“აიკრძალოს აზარტული თამაშების რეკლამა”- ამ მოთხოვნით კანცელარიასთან დღეს, პირველ ნოემბერს აქცია გაიმართა. აქციის ერთ-ერთი ორგანიზატორის, ანა დოლიძის განცხადებით, კაზინოები მხოლოდ ტურისტულ ზონებში უნდა განთავსდეს. ამ და სხვა მოთხოვნებით აქციის მონაწილეები პეტიციის შექმნასაც გეგმავენ.

“აზარტულ თამაშებზე დამოკიდებულება ეპიდემიაა ჩვენს ქვეყანაში. შევქმნით პეტიციას შემდეგი მოთხივნებით: აიკრძალოს აზარტული თამაშების რეკლამა, შეუძლებელი იყოს ბავშვებისთვის შიგნით შესვლა და გამკაცრდეს ონლაინ კაზინოების რეგულირება. ჩვენ გვჭირდება 10 ათასი ხელმოწერა. შევაგროვებთ ამ ხელმოწერებს, საქართველოს მთავრობამ კეთილი უნდა ინებოს და მიხედოს საკითხს”,-ამბობს დოლიძე.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.