თბილისის მერია ნაძვის ხესა და განათებებში 2.7 მილიონს დახარჯავს

თბილისის მერია საახალწლო ნაძვის ხის შესაძენად 995 800 ლარს გადაიხდის. ელექტრონული ტენდერში იტალიურმა კომპანიამ Idolight-მა გაიმარჯვა.

დოკუმენტაციის მიხედვით, ნაძვის ხის სიმაღლე 25 მეტრი იქნება და 33 000 ცალი ნაძვის ხის მწვანე ტოტითა და LED განათებებით იქნება გაფორმებული.

ამასთან, მერია საახალწლოდ დეკორაციებსაც ყიდულობს, რომელშიც  1 249 999 ლარის დახარჯვას გეგმავს. სატენდერო დოკუმენტაციის მიხედვით, განათებები ციური სხეულების, მათ შორის, მზის სისტემაში შემაველი პლანეტების 3D მოდელები იქნება. აღნიშნულ ტენდერშიც იტალიურმა კომპანია Idolight-მა გაიმარჯვა.

2D დეკორაციებს და LED ნათურებს კი ამავე კომპანიისგან მერია 137 512 ევროდ იყიდის (ეროვნული ბანკის დღევანდელი კურსით 450 ათას ლარამდე) . მათ შორისაა ორ-ორი ორგანზომილებიანი მზის, სატურნის, ურანის, 8 ცალი ვენერას, 4 ნეპტუნის, 30 ცალი მთვარის და 20 ვარსკვლავის ფორმის დეკორაცია.

თბილისის მერია საახალწლოდ “სანტას კომპლექსის” აშენებაში 258 ათასის დახარჯვას გეგმავს

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.