ნეტგაზეთი | ჰაკერული თავდასხმის სამიზნე 2 ათასამდე ვებსაიტი გახდა, რაოდენობა იზრდება – პროსერვისი ჰაკერული თავდასხმის სამიზნე 2 ათასამდე ვებსაიტი გახდა, რაოდენობა იზრდება – პროსერვისი – Netgazeti
RU | GE  

ჰაკერული თავდასხმის სამიზნე 2 ათასამდე ვებსაიტი გახდა, რაოდენობა იზრდება – პროსერვისი

კომპანია “პროსერვისში” ნეტგაზეთს უთხრეს, რომ მათ სერვერებზე მიმდინარეობს ჰაკერული თავდასხმა, რის შედეგადაც ამ დროისათვის [13:33] 2 ათასამდე ვებსაიტია დაჰაკული, ეს რაოდენობა კი იზრდება.

როგორც კომპანიაში აცხადებენ, ისინი პრობლემის გამოსწორებაზე მუშაობენ და ხარვეზის აღმოფხვრას ერთ საათში ვარაუდობენ.

აღნიშნული საიტების მთავარ გვერდზე ჩანს საქართველოს მესამე პრეზიდენტ მიხეილ საკააშვილის ფოტო, წარწერით I’ll be back (მე დავბრუნდები).

ჰაკერული თავდასხმის მსხვერპლი გახდნენ სახელმწიფო უწყებების, მედიასაშუალებების, სასამართლოების, კერძო ორგანიზაციებისა და არასამთავრობოების ვებსაიტები.

ყველა ქართული ვებსაიტი, რომლებზეც ჰაკერული შეტევაა – განახლებადი

ნეტგაზეთის მასალების სხვა გამოცემებში გადაბეჭდვის წესი
თამარ ძინძიბაძე