საგარეო საქმეთა სამინისტროს განცხადებით, გადაადგილების დაბრკოლება წარმოადგენს არაჰუმანურ ნაბიჯს, რომელიც უხეშად არღვევს თავისუფალი გადაადგილების ფუნდამენტურ უფლებას.
უწყების განცხადებაში აღნიშნულია, რომ განსაკუთრებით შემაშფოთებელია ადმინისტრაციულ საზღვარზე გადაადგილების შეზღუდვის დრო, რადგანაც სააღდგომო პერიოდში, 11 და 12 აპრილს, ადგილობრივ მოსახლეობის ექმნება დაბრკოლება ოჯახის წევრებისა და ნათესავების საფლავების მოსანახულებლად.
“საგულისხმოა, რომ სააღდგომო პერიოდში მოსახლეობის მიერ ოკუპირებულ ცხინვალის რეგიონში თავისუფალი გადაადგილების საკითხი უშედეგოდ იქნა განხილული 25 მარტს ერგნეთის ინციდენტების პრევენციისა და მათზე რეაგირების მექანიზმის ფარგლებში. საგარეო საქმეთა სამინისტრო მწუხარებას გამოთქვამს საოკუპაციო რეჟიმის მიერ ასეთ ჰუმანიტარულ საკითხზე დაბრკოლებების შემოღების გამო და მოუწოდებს რუსეთის ფედერაციას უზრუნველყოს ადამიანის ფუნდამენტური უფლებების დაცვა,”- ნათქვამია საგარეო საქმეთა სამინისტროს განცხადებაში.
გადაადგილების შეზღუდვა 13 აპრილიდან მოიხსნება.
