თბილისის მერობის ყოფილი კანდიდატი ალეკო ელისაშვილი აცხადებს, რომ მისი „სამოქალაქო მოძრაობა“ რამდენიმე თვეში ტრანსფორმირდება პოლიტიკურ პარტიად და 2020 წლის საპარლამენტო არჩევნებში ხმების 10%-ის აღებას გეგმავს.
„რა იქნება და როგორ ერთი წლის შემდეგ, არ ვიცი, მაგრამ კვლევებიც გვაქვს ჩატარებული და არცთუ ცუდი სასტარტო პირობები გვაქვს. აქამდე არსებულ ნებისმიერ ბარიერს უპრობლემოდ გადავლახავდით. ახლაც კი“, — თქვა ელისაშვილმა 10 ოქტომბერს ნიკა გვარამიას გადაცემაში „მთავარ არხზე“.
მოგვიანებით კი დააზუსტა, რომ „10 პროცენტი არის ის მინიმუმი, რასაც ვფიქრობთ, რომ ავიღებთ. კარგი მუშაობის შემთხვევაში კი მეტს“.