ცხინვალის ცენტრალურ ქუჩას პუტინის სახელი დაარქვეს

ცხინვალში ერთ-ერთ ცენტრალურ ქუჩას რუსეთის ფედერაციის პრეზიდენტის, ვლადიმერ პუტინის სახელი დაარქვეს. ინფორმაციას ამის შესახებ Эхо Кавказаავრცელებს.

როგორც გამოცემა წერს, აღნიშნულ ქუჩას ადრე მოსკოვის ქუჩა ერქვა. Эхо Кавказа-ს მიხედვით, სამხრეთ ოსეთის დე ფაქტო რესპუბლიკის დედაქალაქის მერი ამბობს, რომ აღნიშნულ გადაწყვეტილებას მხარი კომისიის ყველა წევრმა დაუჭირა, რიმელიც რამდენიმე დღეში შეიკრიბება:

“ერთ-ერთ ყველაზე ლამაზ ქუჩას ცხინვალში ვლადიმერ პუტინის სახელი დაერქმევა. ეს გადაწყვეტილება პუტინის დაბადების დღეს უკავშირდება და მადლიერების სიმბოლოა”, – ამბობს კოჩიევი.

როგორც გამოცემა წერს, ქუჩაზე, რომელსაც პუტინის სახელი ეწოდა, ახალი საუნივერსიტეტო კომპლექსი მოეწყობა და “დიდების ხეივანი” გაშენდება.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.