ერევანში რამდენიმედღიანი ინფორმაციული ტექნოლოგიების საერთაშორისო კონგრესი [WCIT] გაიხსნა.
ოფიციალური ინფორმაციით, მასში 83 ქვეყნის წამყვანი სპეციალისტი და მსოფლიო კორპორაციების 90% მონაწილეობს.
“ჩვენთვის დიდი პატივი და სიამოვნებაა ასეთი კონგრესის მასპინძლობა, რადგანაც ეს კარგი საბაბია და მისი დახმარებით შეგვიძლია ვისაუბროთ მაღლტექნოლოგიური წარმოების ქვეყნად ჩამოყალიბების შესახებ სომხეთის სტრატეგიაზე. ჩვენ მიზნად დავისახეთ, სერიოზულად განვავითაროთ განათლება – სკოლამდელი დაწესებულებებიდან დაწყებული, მაგისტრატურითა და ასპირანტურით დამთავრებული”, – განაცხადა კონგრესის გახსნაზე ქვეყნის პრემიერ-მინისტრმა ნიკოლ ფაშინიანმა.
ოფიციალური ცნობითვე, ფორუმზე განხილული იქნება ადამიანის ცხოვრებაზე, ბიზნესზე, უსაფრთხოებაზე საინფორმაციო კომუნიკაციების ტექნოლოგიების გავლენა, ასევე, დემოკრატიული და ჰუმანიტარული ასპექტები.