თბილისობის დასკვნით ღონისძიებაზე თბილისის მერმა კახა კალაძემ საპატიო თბილისელის წოდება თბილისის ყოფილ მერს ნიკო ლეკიშვილს მიანიჭა. ლეკიშვილი იყო თბილისის მერი 1993-1995 წლებში.
საპატიო თბილისელის ტიტულით ასევე დააჯილდოვეს:
[checklist]
- გიოზალ დუმოევი – „თბილსერვის ჯგუფის“ 81 წლის მეეზოვე, რომელიც დედაქალაქის სისუფთავეზე უკვე 61 წელია ზრუნავს;
- გივი მამულაშვილი – „თბილსერვის ჯგუფის“ გარე განათების ოსტატი, რომელიც 83 წლისაა და 66 წელია ამ საქმით არის დაკავებული;
- ავთანდილ კობახიძე – თბილისის მეტროს გვირაბ-ნაგებობათა დისტანციის უფროსი ოსტატი, რომელიც 77 წლისაა და 53 წელია თბილისის მეტროში მუშაობს;
- ვალერიან მეთაფლიშვილი – თბილისის სატრანსპორტო კომპანიის N1 ავტობაზის ავტობუსის მძღოლი. იგი 74 წლისაა და ავტობუსის მძღოლად მუშაობის 49-წლიანი სტაჟი აქვს;
- როგნეტა კუჭავა – ბიბლიოთეკათმცოდნე, რომელიც 79 წლისაა და 49 წელია ამ სფეროში საქმიანობს;
- მეია მეგრელიშვილი – თბილისის N27 საბავშვო ბაგა-ბაღის მუსიკის პედაგოგი. ის 79 წლისაა, აქვს 60 წლიანი პროფესიული გამოცდილება, არის ოთხი მუსიკალური სპექტაკლისა და 200-ზე მეტი საბავშვო სიმღერის
[/checklist]
დაჯილდოვებამდე კახა კალაძემ განაცხადა, რომ მომავალი წლის თბილისობა გია ყანჩელს მიეძღვნება. ცნობილი კომპოზიტორი დღეს დაკრძალეს დიდუბის პანთეონში.
საპატიო თბილისელების დაჯილდოების შემდეგ განახლებულ ორბელიანის მოედანზე კონცერტი გაგრძელდა, რომელიც “თბილისობის” ფარგლებში იმართება.