NATO-ს გენერალური მდივნის მოადგილე როუზ გოტმიოლერი ტელეკომპანია “მთავართან” ინტერვიუში ამბობს, რომ რასმუსენის ინიციატივა, საქართველო NATO-ში გაწევრიანდეს ისე, რომ ალიანსის ხელშეკრულების მე-5 მუხლი აფხაზეთსა და სამხრეთ ოსეთზე არ გავრცელდეს, ამ ეტაპზე ალიანსში არ განიხილება. აქვე როუზ გოტმიოლერი აღნიშნავს, რომ დემოკრატიულ საზოგადოებაში მოლაპარაკებების და დებატების წარმოება აუცილებელია:
“რაც შეეხება რასმუსენის წინადადებას, მინდა აღვნიშნო, რომ ეს საკითხი ამ ეტაპზე NATO-ში არ განიხილება. ამავდროულად, გეტყვით, რომ დემოკრატიულ საზოგადოებაში აუცილებელია გაიმართოს მოლაპარაკებები, დებატები გარკვეულ საკითხებზე. დისკუსია დასაშვებია ნებისმიერ საკითხზე. NATO არასოდეს გეტყვით, რომ ეს არ გააკეთოთ, თუმცა ამ ეტაპზე ეს არ განიხილება”, – ამბობს ნატოს გენერალური მდივნის მოადგილე “მთავარისთვის” მიცემულ ინტერვიუში (ტელეკომპანია “მთავარის” თარგმანი).
ამ თემაზე ვრცლად წაიკითხეთ:
რასმუსენი აფხაზეთისა და სამხრეთ ოსეთის დათმობას არ გვთავაზობს – გიორგი ცხადაია