“თავისუფლება პოლიტპატიმრებს” – სასამართლოსთან 20 ივნისის საქმეზე საპროტესტო აქცია მიმდინარეობს

თბილისის საქალაქო სასამართლოსთან, სადაც დღეს ჩანიშნულია 20-21 ივნისის მოვლენების შემდეგ დაკავებული რამდენინე ადამიანების პროცესი, საპროტესტო აქცია მიმდინარეობს.

დემონსტრანტები დაკავებულებს პოლიტიკურ პატიმრებად მოიხსენიებენ და ამბობენ, რომ ისინი უნდა გაათავისუფლონ.

დემონსტრანტებს მოტანილი აქვთ მორის მაჩალიკაშვილისა და ირაკლი ოქრუაშვილის ფოტოები.

მალხაზ მაჩალიკაშვილი ამბობს, რომ მისი ძმისშვილი, მორის მაჩალიკაშვილი დაკავებულია მასზე ზეწოლის და მისი დასჯის მიზნით არის.

აქციის მონაწილეებს სასამართლოს მანდატურის სამსახურის წარმომადგენლებმა უთხრეს, რომ რამდენიმე მეტრით უნდა გაწეულიყვნენ სასამართლოს შენობიდან, მიუხედავად იმისა, რომ ისინი უკვე მოშორებით იდგნენ. დემონსტრანტებმა მათ უპასუხეს, რომ კიდევ 5 წუთით გაჩერდებოდნენ აქციაზე, რასაც მსუბუქი სიტყვიერი დაპირისპირება მოჰყვა.

აქცია 20-21 ივნისის აქციების დროს დაკავებულთა მხარდასაჭერად. 24 სექტემბერი, თბილისი. ფოტო: ლუკა პერტაია/ნეტგაზეთი

აქცია 20-21 ივნისის აქციების დროს დაკავებულთა მხარდასაჭერად. 24 სექტემბერი, თბილისი. ფოტო: ლუკა პერტაია/ნეტგაზეთი

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com