პუტინი კირილის ინტრონიზაციის აღსანიშნავ ღონისძიებაზე კრემლში. ფოტო: კრემლის პრესსამსახური

პუტინის დავალებით დე ფაქტო აფხაზეთის ჯარის მოდერნიზებას დააფინანსებენ

ვლადიმერ პუტინმა გასცა ბრძანება მოეწეროს ხელი შეთანხმებას, რომლის მიხედვითაც, რუსეთის მთავრობა აფხაზეთის ჯარის მოდერნიზების დანახარჯებს დააფინანსებს. შესაბამისი ოფიციალური დოკუმენტი უკვე გამოქვეყნდა. 

RIA-ს მიხედვით, ამ განცხადებამდე გავრცელდა ინფორმაცია იმის შესახებ, რომ რუსეთის თავდაცვის მინისტრ სერგეი შოიგუსა და დე ფაქტო აფხაზეთის თავდაცვის მინისტრ მერაბ ქიშმარიას შორის შეთანხმება შედგა, რომელიც აფხაზეთის ჯარის ტექნიკურ განვითარებასა და განახლებაში თანამშრომლობას გულისხმობს.

სანამ ამ შეთანხმებას ხელი ოფიციალურად მოეწერება, მოსკოვსა და სოხუმს შორის მოლაპარაკებები შედგება, რომელშიც მონაწილეობას რუსეთის თავდაცვისა და შინაგან საქმეთა სამინისტროებთან ერთად დე ფაქტო ხელისუფლების წარმომადგენლები მიიღებენ.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან