ნეტგაზეთი | სამგორის მეტროში ჩავარდნილი ახალგაზრდა კაცი გარდაიცვალა სამგორის მეტროში ჩავარდნილი ახალგაზრდა კაცი გარდაიცვალა – Netgazeti

სამგორის მეტროში ჩავარდნილი ახალგაზრდა კაცი გარდაიცვალა

ახალგაზრდა კაცი, რომელიც კვირას, 15 სექტემბერს სამგორის მეტროსადგურის ლიანდაგებში ჩავარდა, გარდაიცვალა. ეს ინფორმაცია ნეტგაზეთს დაუდასტურეს შსს-შიც და კლინიკაშიც, სადაც ინციდენტის შემდეგ გადაიყვანეს.

როგორც „ნეტგაზეთს“ ინგოროყვას კლინიკაში უთხრეს, იგი 16 სექტემბერს, გამთენიისას გარდაიცვალა. ის მძიმედ იყო დაშავებული.

ახალგაზრდა კაცი ლიანდაგებიდან კვირა საღამოს ამოიყვანეს სიტუაციების მართვის სამსახურის მაშველებმა. დაუზუსტებელია, ეს სუიციდი იყო თუ უბედური შემთხვევა.

შსს-ს ცნობით, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

შენიშვნა: გარეკანის ფოტოს კავშირი არ აქვს მომხდართან.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com