აქცია-მსვლელობა დღეს, 15:00 საათზე ვარდების მოედნიდან დაიწყო. აქციის მონაწილეებმა რუსთაველის პროსპექტზე მსვლელობა მოაწყვეს. ანალოგიური აქციები საქართველოს კიდევ 24 ქალაქში ჩატარდა.
აქციის, სახელწოდებით “მეტი ქალი პარლამენტში”, მიზანია, რომ გაზარდოს ქალთა რაოდენობა გადაწყვეტილების მიმღებ თანამდებობზე. აქციის მონაწილეებს მოტანილი აქვთ ბანერები წარწერით “ხმა მიეცი ქალს!” მსვლელობის მონაწილეებს შორის არიან პოლიტიკოსები, არასამათავრობო ორგანიზაციების წარმომადგენლები და სახელისუფლების წევრები.
8 მარტი ქალთა საერთაშორისო დღეა. ის პირველად 1909 წელს აღნიშნეს, როცა ქალთა უფლებების დასაცავად აშშ-ის ქალაქ ნიუ-იორკში მარში მოეწყო.
2015 წელი საქართველოს პრეზიდენტმა გიორგი მარგველაშვილმა ქალთა წლად გამოცხადა. 2014 წლის 11 თვეში, პროკურატურის მონაცემებით, 19 ოჯახში ქალი ძალადობის ნიადაგზე მოკლეს.