პარლამენტის აგრარული კომიტეტის თავმჯდომარის გიგლა აგულაშვილის ინფორმაციით, “დელტას” მიერ სეტყვის საწინაღმდეგო სისტემის მშენებლობის ფარგლებში, კახეთის რეგიონის ყველა მუნიციპალიტეტში წინასწარ შერჩეულ წერტილებზე სეტყვის საწინააღმდეგო საცეცხლე წერტილები მოეწყობა.
“სარაკეტო- საცეცხლე წერტილები სეტყვის საწინაღმდეგო ერთიანი სისტემის შემადგენელი კომპონენტებია, სულ კახეთის მასშტაბით 83 ერთეული ასეთი წერტილი მოეწყობა. შემდგომ ეტაპზე საცეცხლე წერტილებზე სეტყვის საწინააღმდეგო სარაკეტო დანადგარები დამონტაჟდება. მშენებლობას “დელტას” შვილობილი კომპანია “მშენებელი-2011″ აწარმოებს. პარალელურად “დელტას” საწარმოებში სეტყვის საწინააღმდეგო სარაკეტო დანადგარების დამზადება მიმდინარეობს. სეტყვის საწინააღმდეგო სისტემის ამოქმედების შემდეგ კახეთის რეგიონში სეტყვისაგან მიყენებული ზარალი 85-95 %-ით შემცირდება”-აცხადებს გიგლა აგულაშვილი.
სეტყვის საწინააღმდეგო სისტემის ამოქმედების შემდეგ კახეთის რეგიონში სეტყვისაგან მიყენებული ზარალი 85-95 %-ით შემცირდება. სისტემის მოწყობას “დელტა” საქართველოს მთავრობის დაკვეთით ახორციელებს.
