“ეს ინფორმაცია ჩვენც ისევე გვაქვს, როგორც ყველა დანარჩენს, ჩვენ გავიგეთ მედიის საშუალებით და გვაქვს ინფორმაცია, რომ არც ერთ სკოლას, იმ სკოლებს, რომლებთანაც  ჩვენ ვთანამშრომლობთ გალის რაიონში, არ აურჩევია ეს სახელმძღვანელო. ასეთია 31 სკოლა გალის რაიონში”, – აცხადებს ლია გიგაური.

ბოლო დროს მედიაში ვრცელდება ინფორმაცია, რომ სექტემბრიდან გალის რაიონის ქართულ სკოლებში მეგრულენოვანი “დედაენის” შეტანა იგეგმება.

მეგრულ ენაზე შედგენილი დედაენის ფოტოები “ახალგაზრდა ინტელექტუალების”  ვებგვერდმა “ლაზარემ” გამოაქვეყნა. წიგნში მეგრული სიტყვები ქართული სიმბოლოებითაა დაწერილი და რუსულ და ინგლისურ ენებზეა თარგმნილი.