ატენში, რაზმათის ხეობაში წიწვოვანი ხეები იწვის

ატენში, რაზმათის ხეობაში წიწვოვანი ხეები იწვის. ინფორმაციას ამის შესახებ საგანგებო სიტუაციების მართვის სამსახური ავრცელებს.

როგორც საგანგებოში აღნიშნავენ, უწყებაში შეტყობინება ძლიერი დაკვამლიანებისა და ცეცლის შესახებ შევიდა. შეტყობინების მიღებისთანავე, ადგილზე გავიდა გორის სახანძრო-სამაშველო განყოფილების ჯგუფები.

საგანგებო სიტუაციების მართვის სამსახურის ინფორმაციით, დამატებითი ძალების მობილიზება მიმდინარეობს შიდა ქართლის მუნიწიპალიტეტებიდან და სხვა რეგიონებიდან.

უწყებაში აღნიშნავენ, რომ ხანძრის ქრობაში უკვე ჩაერთო შინაგან საქმეთა სამინისტროს სასაზღვრო პოლიციის 2 ვერტმფრენი.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.