თბილისში საქართველოს ბანკის ფილიალი დააყაჩაღეს – ბრალდებული დაკავებულია

პოლიციამ თბილისში “საქართველოს ბანკის” ექსპრეს-ფილიალის ყაჩაღობაში ბრალდებული დააკავა.

შინაგან საქმეთა სამინისტროს ცნობით, შემთხვევა 22 აგვისტოს მუხიანში მოხდა. უწყების თანახმად, პირი ექსპრეს-ფილიალში იარაღის მუქარით შეიჭრა, ბანკის თანამშრომლებს ფული გასტაცა და შემთხვევის ადგილიდან მიიმალა.

“პოლიციამ ბრალდებული მომხდარიდან რამდენიმე საათში, ცხელ კვალზე დააკავა. სამართალდამცველებმა გატაცებული თანხა ნივთმტკიცებად ამოიღეს”, – ამბობენ შსს-ში.

გამოძიება ყაჩაღობისა და იარაღის მართლსაწინააღმდეგო შეძენა- შენახვა- ტარების მუხლებით მიმდინარეობს.

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან