ბახმაროს გზაზე ავტოავარიის შედეგად ორი ადამიანი დაშავდა. ამის შესახებ “ნეტგაზეთს” შინაგან საქმეთა სამინისტროში განუცხადეს.
შემთხვევა დღეს, 19 აგვისტოს მოხდა. ავტომანქანა, რომელშიც სამი პირი იმყოფებოდა, გზაზე მოსრიალდა და ამოტრიალდა. შსს-ს ცნობით, ორმა მგზავრმა მსუბუქი დაზიანებები მიიღო. ისინი კლინიკაში გადაიყვანეს.
მომხდარზე გამოძიება სსკ-ის 276-ე მუხლით არის დაწყებული, რაც ტრანსპორტის მოძრაობის უსაფრთხოების წესის დარღვევას გულისხმობს.