რუსთავი 2-ის ჟურნალისტი ეკა კვესიტაძე აცხადებს, რომ მის სახლთან ამჟამად მიმდინარე საპროტესტო აქცია არა მისი ქმრის მიერ ფეისბუკზე გამოქვეყნებული სტატუსს, არამედ მის ჟურნალისტურ საქმიანობას უკავშირდება.
ეკა კვესიტაძე აცხადებს, რომ ამ აქციას განიხილავს ხელისუფლების პირდაპირ ზეწოლად მის, როგორც ჟურნალისტის წინააღმდეგ:
“რაც ახლა ჩემს სახლთან ხდება, ვითომ ჩემი ქმრის სტატუსის გამო, პირდაპირ განვიხილავ როგორც ხელისუფლების პირდაპირ ზეწოლას ჩემი, რუსთავი 2-ის ჟურნალისტის მისამართით – საერთოდ არაფერი აქვს საერთო ამას შოთას სტატუსთან, ამას აქვს საერთო ჩემს რუსთავი 2-ში დარჩენასთან”, – წერს ეკა კვესიტაძე.
“თუ ვინმე ამ ხელისუფლებაში ფიქრობს, რომ ასე გამტეხავს, ძალიან ცდება”, – ამბობს კვესტიაძე და სახალხო დამცველს, ასევე, არასამთავრობოებს რეაგირებისაკენ მოუწოდებს.
