იტალიის რამდენიმე ქალაქში სამართალდამცველებმა ულტრამემარჯვენე ექსტრემისტების წინააღმდეგ ჩატარებული რეიდებისას საბრძოლო მასალები, მათ შორის ანტისაჰაერო რაკეტა ამოიღეს. ინფორმაციას POLITICO ავრცელებს.
რეიდის შედეგად სულ 3 ადამიანია დაკავებული.
პოლიციის ცნობით, იტალიელმა სამართალდამცავებმა დიდი რაოდენობით ცეცხლსასროლი იარაღისა და ნეონაცისტური ატრიბუტიკის მარაგი აღმოაჩინეს. ასევე, აეროპორტში დამალული რაკეტაც იპოვეს, რომლის გაყიდვასაც, სავარაუდოდ, ერთ-ერთი დაკავებული აპირებდა. იტალიური მედიის ინფორმაციით, აღმოჩენილი რაკეტა ყატარიდან არის ჩამოტანილი.
პოლიციის განცხადებით, რეიდი ჩატარდა უკრაინის რეგიონ დონბასში რუსეთის მხარდამჭერ ამბოხში მონაწილე იტალიელი ექსტრემისტების გამოძიების ფარგლებში.
