საქართველოს საგარეო საქმეთა მინისტრ დავით ზალკალიანის შეფასებით, რუსეთის პრეზიდენტ ვლადიმერ პუტინის დამოკიდებულება საქართველოსთვის სანქციების დაწესების საკითხზე ცალსახად სწორი და მისასალმებელია.
პუტინის კომენტარს ზალკალიანი “ქრონიკის” პირდაპირ ეთერში გამოეხმაურა.
“ჩვენ გულდასმით ვადევნებდით თვალს უკანასკენელ პერიოდში განვითარებულ მოვლენებს და უნდა ითქვას, რომ ის პროვოკაციული განცხადებები, რომელმაც გამოიწვია შემდგომ სიტუაციის გამძაფრება, ესკალაცია, კატეგორიულად მიუღებელი იყო. ბუნებრივია, ამას მოჰყვა შემდგომ გართულება, თუნდაც რუსეთის დუმის მხრიდან გაკეთებული განცხადებები, მაგრამ ის, რაც მე თქვენგან მოვისმინე, რუსეთის პრეზიდენტის გადაწყვეტილება, ეს ცალსახად ერთადერთი სწორი გადაწყვეტილებაა და მხოლოდ შეიძლება მიესალმო ამას, რადგანაც არავითარ შემთხვევაში ამ უპასუხისმგებლო და პროვოკაციულ განცხადებებს, რასაც მოჰყვა სიტუაციის გამწვავება და რომლის მიზანიც იყო სწორედ სიტუაციის დესტაბილიზაცია… არავითარ შემთხვევაში ამის დაშვება არ შეიძლებოდა. ის გადაწყვეტილება, რომელიც თქვენი ეთერიდან მოვისმინე, იყო ცალსახად სწორი განაწყვეტილება და მხოლოდ და მხოლოდ შეიძლება მივესალმოთ”, – განაცხადა ზალკალიანმა.
ვლადიმერ პუტინის თქმით, ის საქართველოსთვის სანქციების დაწესების წინააღმდეგია.
ამავე თემაზე:
პუტინის თქმით, საქართველოსთვის სანქციების დაწესების წინააღმდეგია
