ნეტგაზეთი | პუტინის თქმით, საქართველოსთვის სანქციების დაწესების წინააღმდეგია პუტინის თქმით, საქართველოსთვის სანქციების დაწესების წინააღმდეგია – Netgazeti

პუტინის თქმით, საქართველოსთვის სანქციების დაწესების წინააღმდეგია

“მე ამას არ გავაკეთებდი, ქართველი ხალხის პატივისცემის გამო, – “რია ნოვოსტის” ინფორმაციით, ამის შესახებ რუსეთის პრეზიდენტმა ვლადიმერ პუტინმა საქართველოსთვის სანქციების დაწესების საკითხზე განაცხადა.

რუსეთის დუმამ საქართველოს მიმართ სანქციების შესახებ განცხადება მიიღო. რია ნოვოსტის ინფორმაციით, სახელმწიფო დუმამ ხელისუფლებას რეკომენდაციით მიმართა, განიხილოს საქართველოს წინააღმდეგ სანქციების გამოყენების მიზანშეწონილობა.

განცხადებაში ნათქვამია, რომ სანქციები შეიძლება ეხებოდეს ღვინისა და გაზიანი წყლის მიწოდების, ასევე ფინანსური და საგარეო ვაჭრობის ოპერაციებს, ტურისტულ საქმიანობას და სხვას. სააგენტოს ცნობით, ამ განცხადების მიღების მიზეზი “ანტირუსული პროვოკაციები” გახდა, რამაც ორმხრივი ურთიერთობების გაურესება გამოიწვია.

აღსანიშნავია, რომ პუტინმა უკვე დაუწესა საქართველოს ტურისტული სანქციები. 8 ივლისიდან პირდაპირი ფრენები ქვეყნებს შორის სწორედ მისი ბრძანების საფუძველზე შეწყდა.

ამავე თემაზე

პუტინის განცხადება სანქციებზე ავიამიმოსვლას არ ეხება

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.