მელიას ელექტრონული სამაჯური გაუკეთეს

ნიკა მელიას ელექტრონული სამაჯური გაუკეთეს. პროკურატურის წარმომადგენლები მის სახლში დღეს იმყოფებოდნენ. მელიამ ფაქტი “სასაცილოდ” შეაფასა.

2 ივლისს თბილისის სააპელაციო სასამართლომ ძალაში დატოვა პირველი ინსტანციის გადაწყვეტილება და არ გამოიყენა ნიკა მელიას წინააღმდეგ აღკვეთის ღონისძიებად პატიმრობა.

მელიას ელექტრონული სამაჯური გაუკეთეს © ტვ პირველი

ამასთან, სააპელაციო სასამართლომ დაცვის მხარის შუამდგომლობა არ დააკმაყოფილა და არ გაუუქმა მელიას ის შეზღუდვები, რაც საქალაქო სასამართლომ დაუწესა, მაგალითად, საჯარო განცხადების გაკეთება საზოგადოებრივი თავშეყრის ადგილებში; მოწმეებთან კომუნიკაცია;

მეტიც, სააპელაციოს სასამართლოს მოსამართლე მერაბ გაბინაშვილის გადაწყვეტილებით, ამ სანქციებს კიდევ ერთი დაემატა — დეპუტატს ელექტრონულ სამაჯურს დაუმაგრებენ დამატებითი მონიტორინგისათვის.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com