30 ივნისს, აქციების მე-11 დღეს, პარლამენტის წინ განახლდა დემონსტრაცია შინაგან საქმეთა მინისტრის, გიორგი გახარიას გადადგომის მოთხოვნით. დემონსტრანტებმა 7 საათისკენ დაიწყეს შეკრება.
რამდენიმე საათით ადრე აქციების ორგანიზატორებმა გამოაქვეყნეს მანიფესტი, სადაც კიდევ ერთხელ გაუსვეს ხაზი, რომ გახარიას გადადგომა მათ ერთადერთ და უცვლელ მოთხოვნად რჩება. მანიფესტში ორგანიზატორები პირობას დებენ, რომ როგორც კი გახარია გადადგება, აქციებიც დასრულდება.
შენიშნვა: გარეკანის ფოტო გადაღებულია 21 ივნისს
