8 ივლისიდან ქართულ ავიაკომპანიებს რუსეთში ფრენას აუკრძალავენ. ამის შესახებ რუსული სააგენტო TASS რუსეთის ტრანსპორტის სამინისტროზე დაყრდნობით იუწყება.
ტრანსპორტის სამინისტრო აცხადებს, რომ ფრენები გაუქმებული იქნება მანამ, სანამ მათი უსაფრთხოება არ დადასტურდება და ქართული მხარე რუსეთის საჰაერო ადმინისტრაციის მიმართ არსებულ დავალიანებას არ გადაიხდის.
ვლადიმერ პუტინის შესაბამისი განკარგულება კრემლის ვებგვერდზე გამოქვეყნდა. დოკუმენტში ნათქვამია, რომ აკრძალვის მიზანია ეროვნული უსაფრთხოების უზრუნველყოფა და რუსეთის მოქალაქეების დაცვა.