თბილისის მერია 2019 წლის 16 მაისამდე სამშენებლო დარღვევების ნაწილზე ამნისტიას აცხადებს.
როგორც თბილისის მერმა კახა კალაძემ დედაქალაქის მთავრობის დღევანდელ სხდომაზე განაცხადა, თბილისში დღეს 600-ზე მეტი შენობაა, რომლის მშენებლობა დასრულებულია, თუმცა გარკვეული დარღვევების გამო ისინი ექსპლუატაციაში მიღებული არ არის.
“დარღვევებზე, რომლის გამოსწორება ფიზიკურად შეუძლებელია, ვაკეთებთ ამნისტიას და გვინდა ეს შენობა-ნაგებობები მივიღოთ ექსპლუატაციაში. ამნისტია შეეხება სამშენებლო დარღვევებს 2019 წლის 16 მაისის მდგომარეობით. ამნისტია არ შეეხება ისეთ დარღვევებს, რომელიც დაკავშირებულია უსაფრთხოებასა და ქალაქის ვიზუალურ სტანდარტთან”, – განაცხადა კალაძემ.
ამასთან, კალაძის თქმით, აიკრძალება იმ შენობა-ნაგებობებში ცხოვრება, რომლებიც ექსპლუატაციაში მიღებული არ არის.
ამავე თემაზე:
სამშენებლო დარღვევები სისხლის სამართლებრივ პასუხისმგებლობას დაექვემდებარება